Volve Amelia ao Teatro Permanente, por terceira vez esta tempada, para concluír este ciclo que parte da vivencia e as consecuencias da maternidade en relación á práctica artística. Desta volta, estendemos o grupo de traballo, con Amparo, Lisa, Paulo e Ánxela, para construír un espectáculo en dous tempos, dúas perspectivas diferentes que permiten dúas experiencias, mesturadas e autónomas, que dialogan.

Retomamos o formato de permanencia: unha xornada de creación para producir a estrutura dun espectáculo efémero, completamente improvisado, no que todo sucede en base á escoita mutua entre intérpretes.