A nosa acción teatral específica, na que domina o texto, abordará o estudo de obras moi diversas, cando a materia literaria ou escénica nos pareza merecer ser compartida. Os procedementos de posta en escena serán sobrios, dando prioridade ás tarefas de interpretación, e poñendo o foco naquelas pasaxes ou escenas, naqueles xestos interpretativos que nos parezan máis relevantes.

Movemento, desprazamento, xesto, improvisado ou coreografiado. O corpo en acción

Performatividade, ausencia de ficción narrativa, proxectos con maior carga conceptual e que se asentan sobre o aquí e agora dun tempo de vida que se sitúa na escena. Nesta caixiña gardamos algún elemento anexo das nosas accións escénicas que abordan a cuestión da persoa escénica. Incluiremos fragmentos dos xornais de traballo, pistas perdidas, fragmentos dos procesos creativos que non sempre son visibles para o espectador.