Nacer nunha illa. Medrar nunha illa. Morrer nunha illa. E logo, fuxir a terra.

Sobrevivir non é seguir vivindo. Sobrevivir é non ter morto. Polo menos, non completamente.

A morte non ten por que ser un deceso. Pode ser unha falta, unha perda, un estar fóra do seu propio camiño, unha forma de desfase, de distancia que se crea coa vida propia.

Hai como unha ansia que non se pode calmar, que reclama volver ao lugar exacto, ao momento preciso, aínda que iso resulte imposible. Ou talvez…

Retomamos os sucesos do primeiro capítulo, Imaxinar unha illa, para propoñer unha “precuela”, un tempo anterior que provocou os sucesos dese primeiro volume. Unha muller, encóntrase en terra recuperándose das consecuencias dun incendio. E toda unha serie de imaxes volven a ela para amosarlle o camiño de volta á illa.

Con Sonia Salgado, Lisa Vitorino e Tania Godoy, nunha creación colectiva mediada por Alberte Alonso.

Sábado 28 de marzo ás 20:00

Aforo moi reducido

Entrada libre nos límites do aforo. Faremos entrada inversa.