Esme Quiroga é profe de Literatura nun instituto de Ponteareas. Naceu en Baralla, Lugo, e fala un galego do bloque oriental de Galicia. Di truita, muito e pequenín. De pequena mirábase nos ollos das vacas e lía poesía coa súa mai. De maior quere ser poeta e non perder a vocación de mestra. Tamén lle gustaría saber mirar, pacer e descansar como fai a becerriña que está nesta foto tirada pola súa amiga Uxía. Agradece moito, moitísimo que a escoiten ler poesía. Probablemente iso e o queixo do Cebreiro sexa o que máis lle gusta no mundo.
