Retomamos unha proposta de concerto teatralizado da man da frautista Laura Lorenzo, que xa presentamos na primavera. Trátase dunha proposta de escenificación da interpretación musical feita por Alberte Alonso para o Teatro Permanente.
Nesta posta en escena, os elementos musicais dispóñense de xeito particular para poder explorar aspectos da interpretación que poden pasar desapercibidos nunha presentación máis convencional.
Como tema central, a folía, un esquema melódico e harmónico de orixe renacentista e autoría anónima. Foi unha das danzas máis populares da Castilla do Século de Ouro que se extendeu amplamente por Europa. Ó longo dos séculos, numerosos compositores de diferentes lugares escribiron variacións sobre este famoso tema. Nesta ocasión revisitaranse as Folies d’Espagne de Marin Marais, quen compuxo máis de 30 variacións sobre o tema.
A través dunha proposta escénica simple que pon en valor os aspectos visuais da interpretación musical, elaboramos un percorrido que comeza no acto máis elemental de respiración e de manipulación do instrumento, para rematar coa execución dunha escolla de variacións estruturada en función de parámetros propios.
Venres 14 de novembro ás 20:00
Reservas xa dispoñibles. Asóciate!
Fotografía: Sergio Alegre
