Xa está en liña a nosa programación ata o mes de xuño. Iremos engadindo algunha cousiña máis, pero xa podedes ir descubrindo o que vai vir.

Seguimos a traballar arredor da peza de Jean-Paul Sartre, Huis Clos, que define o tema desta tempada: “A porta cerrada. Preparativos escénicos para un tempo peor”. Nesta segunda parte do ciclo de creación, propoñémosvos relatos que nos achegan a certas imaxes do nazismo, á crise migratoria do mediterráneo, ou á soidade como inferno particular.

Comezamos retomando un segundo encontro de Ui Clo, á volta do Nadal, e teremos a continuación a segunda etapa de Aylan [silencio], un novo capítulo da serie E nós, alí, concertos, recitais poéticos, teatro en francés…

Tedes todos os detalles aquí.

Todo isto non sería posible sen a nosa Comunidade Permanente. Se queredes colaborar co noso proxecto, asóciate!