Propoñémosvos un tempo para os textos poéticos, propios e alleos, da man de Esme Quiroga e Alberte Alonso.

Nas últimas semanas temos construído unha cadea de poemas, ou fragmentos de poemas, de distintos autores e épocas, que encontraron pontes entre eles; pontes que, por veces, nin sequera nós somos quen de percibir con claridade.

Compartiremos convosco este percorrido, volveremos sobre os nosos pasos, nunha lectura a dúas voces para cada texto, e tentaremos reencontrar o camiño que nos levou a eles.

A vosa participación é benvida no proceso, abrindo pistas novas cara outras cadeas, outras series que dean continuidade ao alcanzado ata o momento. Ao final da lectura, abriremos un tempo de diálogo cos espectadores, para recoller novos impulsos para as cadeas futuras (que virán).