Talvez o xiro que lle dou aquí a esta frase semelle, nun primeiro momento, un disparate. Hai unha carga de sentido do lugar común, da frase feita, que domina a propia lectura do que a frase orixinal realmente di. Pero cal é a frase orixinal? Porque podemos pensar en “querer é poder” ou en “isto é un querer e non poder”. Non resulta relevante a xenealoxía de cada unha delas, pensando en se haberá unha anterior a outra. O que parece claro é que non todo aquel que quere, pode. Sobran os exemplos.