Velaquí a última etapa deste percorrido sobre A porta pechada, na que imaxinamos a conversa entre dous camareiros de piso que acollen ás persoas que chegan ao inferno particular de Jean-Paul Sartre. Recuperamos un texto inicialmente escrito en lingua francesa, que tende a enredarse coas palabras para crear diálogos improbables e, por veces, desconcertantes. A aparente banalidade coa que abordan temas sombríos amplía o efecto de estrañeza, e resulta difícil imaxinar se estas figuras estiveron, nalgún punto, dotadas de humanidade.

A nosa proposta comeza coa aparición dun cativo duns cinco anos, e imos descubrindo a través dese diálogo, as razóns terribles que o levaron alí.

Con Sonia Salgado e Lisa Vitorino, e a colaboración de Venus Pavón Requejo.

Texto, dramaturxia e dirección de Alberte Alonso.

Se aínda non formas parte da Comunidade Permanente, asóciate!