Sonia empeza a facer teatro na escola. No recreo, quedaba coa súa mestra daquela, Maite Campos, e ensaiaban mentres as outras crianzas xogaban no patio. Hoxe en día segue a colaborar con ela no proxecto LuzAzul para a integración de persoas con diversidade física e intelectual.

O teatro sempre estivo presente na súa vida, participando en creacións con distintas compañías, realizando cursos e obradoiros que lle permitiron construír unha maneira propia de entender a interpretación.

Estamos encantados de que o Teatro Permanente sexa a nova etapa no seu percorrido. E por moitos anos!