Skip to main content

Etiqueta: acción teatral

Comunidade Permanente (Asóciate!)

Written by Teatro Permanente on . Posted in Novas.

Para participar nas nosas aulas e asistir ás nosas permanencias escénicas cómpre formar parte da Comunidade Permamente.

Para iso, podedes facervos socios da nosa Asociación Cultural. Tedes toda a información aquí.

Cunha mínima aportación podedes contribuír a que o proxecto poida manterse vivo e ofrecer toda unha serie de servizos artísticos e didácticos para a nosa Comunidade. Seguindo o modelo das asociacións de consumidores, que permiten reunións de persoas para acceder a produtos de proximidade ou establecer unha relación directa coa súa orixe, no Teatro Permanente propoñemos accións artísticas locais que podedes soster coa vosa participación activa.

Vide a coñecernos1 ou escribídenos para saber máis do proxecto!

  1. Atendémosvos con cita previa ↩︎

Foi así.

Written by Teatro Permanente on . Posted in Acción escénica, Novas, Realización, Teatro(s).

Unha creación do Teatro Permanente con Natalia e Lisa (e tal vez máis).

Texto de Alberte, sobre un fondo de Othello, de W. Shakespeare.

Unha nova permanencia en formato extendido. Tres sesións de traballo para un resultado efémero a partir das memorias dunha creación de 2005.

Teatro a medida

Written by Teatro Permanente on . Posted in Acción escénica, Novas, Teatro(s).

Propoñemos creacións a medida para os centros de ensino que desexan ofrecer unha programación de teatro aos seus alumnos. En colaboración cos equipos docentes, abordamos distintos temas a través do teatro e escribimos textos específicamente adaptados a eles, que configuran a base das nosas creacións.

Producimos espectáculos para todas as idades, desde a segunda etapa da educación infantil infantil ata a secundaria. Propoñemos acollervos na nosa sala, en grupos reducidos, e tamén ofremos a posibilidade de investir teatralmente algún lugar específico dos centros.

Consultádenos para saber máis!

Xalundes

Written by Teatro Permanente on . Posted in Acción escénica, Novas.

A acción do Teatro Permanente non se limita ao que acontece na nosa sala da rúa Abeleira Menéndez.

A través da Asociación Cultural Teatro Permanente realizamos intervencións educativas e de acción teatral en distintos lugares. Por exemplo, deseñamos proxectos a medida para abordar temáticas específicas tratadas mediante recursos teatrais, tanto para centros de ensino como para outras institucións culturais.

Tamén propoñemos pequenas formas de Teatro na Casa, onde podemos intervir teatralmente nos domicilios, con creacións específicas adaptadas ao espazo.

Se queredes máis información, contactade connosco.

Dramaturxia aberta [?]

Written by Teatro Permanente on . Posted in Dramaturxia aberta.

Ao inicio de cada ciclo de creación reservaremos un tempo para recibir as achegas da nosa comunidade. Lecturas de interese, preguntas, referencias a outros contextos e situacións, noticias, lembranzas…calquera aportación que poida, chegado o momento, servir para construír a dramaturxia dun espectáculo.

Convocaremos unha asamblea na primeira semana do traballo para que poidamos conversar sobre o tema que imos abordar e que poidades participar presencialmente do proceso. Tamén nos poderedes facer chegar as vosas aportacións a través do correo electrónico: dramaturxia@teatropermanente.com

Ficcións ficcionais [?]

Written by Teatro Permanente on . Posted in Ficcións ficcionais.

Todas aquelas ideas que se quedan polo camiño ou que só poden existir se as imaxinamos, porque resisten a ser realizadas.

Este espazo estará reservado a proxectos desbotados, a ideas simplemente formuladas, pero irrealizables, por motivos diversos.

Poderíamos falar de creacións virtuais, describindo o que teríamos feito se realmente o chegásemos a facer, ou incluso con relatos do que pasou, a pesares de non ter pasado.

Tamén recolleremos relatos de autoficción e outros textos que nos parecen marabillosos, ou terribles, e que decidiremos non poñer en escena.

Incluiremos un espazo para resumos dos textos teatrais que temos na nosa biblioteca, por se iso pode servir como pista para proxectos alleos.

En français

Written by Teatro Permanente on . Posted in En français, Novas.

O noso bilingüismo, conxénito e adquirido, permítenos propoñer unha parte das nosas actividades en lingua francesa. Haberá obradoiros, accións escénicas, tanto para crianzas como para adultos, e mesmo un club de lectura.

Moi pronto!!

Nous sommes une équipe bilingue, et on vous propose une partie de nos activités en langue française. Il y aura des ateliers, des spectacles, pour enfants et aussi pour adultes, et même un club de lecture.

Très bientôt!!

Obradoiro para persoas adultas

Written by Teatro Permanente on . Posted in Novas, Obradoiro para Persoas adultas.

O noso grupo de traballo segue aberto os mércores de 20:30 a 22:15. Cunha dinámica esencialmente lúdica, abordamos cuestións específicas da interpretación e da teatralización de aspectos da nosa vida cotiá.

O xogo segue a ser o elemento que sostén a dinámica da acción, que nos permite achegarnos a distintas temáticas e distintos materiais para poder intervir teatralmente sobre eles.

Pero a que xogamos cando interpretamos?

Vide a coñecer o proxecto e a formar parte da nosa comunidade teatral.

Aulas abertas

Written by Teatro Permanente on . Posted in Aulas abertas, Novas.

Propoñemos obradoiros de creación teatral para todas as idades, para persoas nadas a partir do ano 2019.

O principio destas aulas é o do acompañamento da nosa actividade de creación, mediante unha reunión semanal na que desenvolver pequenos proxectos de acción teatral a partires da nosa práctica habitual de preparación dos actores e de posta en escena.

Somos un foco permanente para a educación teatral, no que incluímos aspectos específicos da formación dos actores, asentado sobre a experiencia de prácticas escénicas diversas, e unha achega consciente e aberta aos procesos de creación.